Mbi 550 pasgoditje janë regjistruar në 24 orë pas tërmetit të fuqishëm në orët e para të mëngjesit të 26 nëntorit.
Sizmiologu Rexhep Koçi i bën thirrje shqiptarëve të ruajn qetësinë, pasi vijueshmëria e lëkundjeve të tjera pas një tërmeti të madh është normale. Ai tha për “Report Tv” se lëkundjet me intensitet të vogël do të vazhdojnë.
“550 pasgoditje. Janë disa kilometra në veri të kepit të Rodonit. Deri përball Gjirit të Lalëzit. Ka edhe një pjesë tjetër të pasgoditjeve edhe në tokë. Do të presim pasgoditje të tjera. Do te kemi pas goditje të tilla edhe në vijim megjithëse jo shumë të larta. Rajoni është aktivizuar dhe derisa të stabilizohet e gjitha energjia e akumuluar. Do të kemi lëkundje të tjera por janë krejt normale. ” tha Koçi.
