Pas zgjedhjeve të 6 marsit dhe zhvillimeve të fundit në selinë blu, ish-kryeministri Sali Berisha ka njoftuar se ditën e sotme do të mbledhë grupin e tij të deputetëve, të “pagëzuar” si Komisioni i Rithemelimit.
Berisha njofton se takimi do të mbahet me qëllim vendosjen e datës së mbledhjes së Kuvendit Kombëtar të PD-së, i cili sipas këtij grupimi, do të vendosë për datën e zgjedhjeve brenda partisë. Gjithashtu, mund të diskutohet edhe një protestë e dytë për marrjen e selisë pas dështimit të së parës më 8 janar.
Kujtojmë se po sot, Lulzim Basha është shprehur se është i gatshëm për të ndërmarrë çdo hap për forcimin e PD, duke nënkuptuar kështu edhe dorëheqjen nga posti i kreut të PD pas rezultatit tronditës në 6 mars dhe kërkesën e shumicës së deputetëve që të dorëhiqet.
