Një situatë e pazakontë e dramatike me mbeturinat në Durrës që vë në rrezik gjithë sezonin turistik dhe mund të ketë pasoja të rënda për shëndetin e popullatës.
Në lagjen 14 në Shkozet të Durrës, ditët e fundit po shërben si vendgrumbullim i mbetjeve urbane.
Situata e krijuar në Shkozet, është një zgjidhje emergjente e momentit nga ana e bashkisë së Durrësit, teksa jetesa në këtë zonë është bërë e padurueshme dhe banorët janë çuar në protestë.
Raportohet se jetesa në këtë lagje është e padurueshme , ndërkohë që kjo është një zgjidhje emergjente e momentit që mundi të bëjë bashkia e Durrësit, pasi prej 6 ditësh plehrat mbetën rrugëve, duke mbushur trotuaret. Bashkia e Durrësit ka kërkuar ndihmë nga bashkitë e tjera. Gjatë natës së kaluar një duzinë kamionë janë dërguar në bashki të tjera në veri për t’u menaxhuar.
Kreu i PD Durrës Ferdinand Xhaferri ka qenë i pranishëm dhe ka folur me banorët.
I gjithë sezoni turistik i rrezikuar. Pas mbylljes së vendgrumbullimit të plehrave në Porto Romano, bashkisë nuk iu dha mundësi për vendgrumbullimin e tyre.
