Lidhur me situatën e koronavirusit në Itali, në një intervistë për Euronews nga banesa e tij në Parma, avokati Gentian Alimadhi ka folur rreth emergjencës së covid-19.
Alimadhi shprehet se provinca e Parmës ka hyrë në zonën e kuqe dhe për këtë shkak duhet të lëm mënjanë ekonominë, të ardhurat dhe në këto momente duhet të fokusohemi tek shëndeti.
“Që prej ditës së djeshme edhe Parma me zonat e saj për rreth hyri në zonën e kuqe. Jemi të mbyllur nëpër shtëpia,mbyllja është e kushtëzuar për daljen jashtë provincës së Parmës.Nuk mund të dalim nëpër qytetet e tjera sepse ka kontrolle nëpër stacione, në hyrje të autostradës apo edhe në qytete. Çdo masë e marrë për mbrojtjen e shëndetit është e vlefshme. Duhet të lëm mënjanë ekonominë, të ardhurat, në këto momente duhet të fokusohemi tek shëndeti. Ndaj është e rëndësishme që njerzit të kuptojnë që të mos vazhdojnë një jetë si më përpara se duhet të izolohemi të qëndrojmë në shtëpi”, u shpreh Alimadhi.
Gjithashtu Alimadhi i bën thirrje të rinjve si dhe shtetasve shqiptarë që jetojnë në Itali, të cilët sipas tij nuk e kanë kuptuar akoma rëndësinë e këtij virusi, të mos lëvizin nëpër qytetet por të izolohen, të marrin masa dhe të izolohen.
https://www.facebook.com/StudioLegaleAlimadhi/videos/567530744106667/?t=6
