E gjithë Shqipëria thonë se është një fshat i vogël i Europës. Po ka fshat dhe fshat. Siç ka edhe nga ata që kanë turp nga origjina rurale dhe shpesh e fshehin, ose thjesht nuk e përmendin.
Ka edhe nga ata fshatarët krenarë që s’e kanë problem ta tregojnë e që i kanë dhënë famë nga e tyrja.
Gati çdo histori që Aurela Gaçe tregon e lidh me fshatin e saj të Vlorës. Keni qenë s’keni qenë në Llakatund e njihni mirë atë. Para pak ditësh ajo postoi një foto të lagjes së saj.
Bes Kallaku jo vetëm që e thotë hapur që është katundar, por e ka bërë të famshëm Bubqin e tij. Aq shumë e do atë sa bëri një dasmë enkas me fqinjët dhe shokët e fëmiijërisë në fshat.
Ju ka rënë s’ju ka rënë rruga në Domje, emrin ia keni dëgjuar. Dietologia Blerina Bombaj ka treguar se ishte vajza qytetare që u martua me djalin nga fshati, por shpesh nisi ta dashuronte fshatin më shumë se i shoqi. Ajo ndërtoi në vilë në Domje dhe më së shumti jeton atje.
/Tiranapost.al/
