Kleriku shqiptar që çuditi botën në nëntorin e vitit 1994, me historinë e tij simbol të mbijetesës ndaj diktaturës komuniste/ Video
Sot selia e shenjtë flet në gjuhën shqipe sepse sot shenjtërohet Nënë Tereza e të gjithë Botës, shqiptarja Gonxhe Bojaxhi. Është një ditë e madhe për kombin shqiptarë.
Ka ndodhur edhe më parë që ai vend i shenjtë për botën katolike të flasë shqip. Ka ndodhur me Dom Mikel Koliqin atë nëntor të vitit 1994 kur Papa Gjon Pal i dytë u përkul para tij dhe e pagëzoi si Kardinal. I vetmi kardinal shqiptar në historinë e katoliçizmit. E gjtihë Bota u çudit kur Papa u përkul para kardinalit Mikel Koliqi. Nuk kishte ndodhur kurrë më parë që një Papë të përulej para një kardinali. Ndodhi sepse ishte Papa Gjon Pali i dytë e përballë kishte Dom Mikel Koliqin, simboli e triumfit mbi antikrishtin. I kishte mbijetuar 50 viteve nëpër burgjet e sistemit më të egër totalitar komunist në Evropën Juglindore.
Ishte data 26 nëntor 1994 në sallën “Paolo IV”, i kryesuar nga Papa, u mblodh Konçistori, për emërimin e kardinalëve të rinj, ndërsa të nesërmen, në Bazilikën e Shën Pjetrit u zhvillua ceremonia e dytë, gjatë së cilës, të emëruarit merrnin unazën e kardinalit. Gjatë ceremonisë, kardinalët e rinj iu gunjëzuan Papës. Mundësitë fizike po e pengonin Dom Mikelin të ngrihej nga karrigja, siç e diktonte procedura e ceremonisë së rastit. Ishte ishte i moshuar, 92 vjeç e kishte kaluar një jetë me mundime. Në atë moment, papa Gjon Pali i Dytë, i vendosi dorën në shpatulla duke i dhënë shënjë të mos ngrihej se ai do të përulej para tij. Ishte një shfaqje madhështore të cilët e përcollën me bujë të madhe të gjitha mediat e Botës. Për herë të parë në historinë 2000 vjeçare të Kishës, një Papë gjunjëzohej para një Kardinali…
Më poshte dokumentari i realizuar nga TVSh për Dom Mikel Koliqin ku ka detaje të kësaj ceremonie madhështore
