Ka ndërruar jetë në moshën 91-vjeçare ikona franceze e modës, Hubert de Givenchy.
Givenchy është një prej emrave më të njohur të botës së modës, por njihet gjithashtu edhe si njeriu përgjegjës për veshjet e mikeshës së tij, Audrey Hepburn, apo Jacqueline Kennedyt.
Familja e tij planifikon një ceremoni mortore private dhe kërkoi që në vend të luleve, në emër të Givenchy-së të bëhen donacione për UNICEF-in.
Partneri i tij, Philippe Venet, një ish-dizenjator “haute couture”, konfirmoi vdekjen për agjencinë e lajmeve “AFP”.
