Është ndarë nga jeta në moshën 90 vjeçare, Chuck Berry, shpikës i rock n’roll. Ai u shua pasditen e të shtunës, në shtëpinë e tij në Missouri, të Shteteve të Bashkuara të Amerikës.
Chuck Berry lindi në vitin 1926 në St. Louis, Missouri, ndërsa hyri në tregun muzikor në vitin 1955 më këngën “Maybellene”.
Ai nuk rreshti së krijuari gjatë 70 vjetëve të karrierës së tij. Natyrisht, disa nga këngët e tij më të njohura mbeten në historinë e muzikës rock si “Roll over Beethoven” apo “Johnny B. Goode”.
Shumë prej këngëve të tij u kthyen në cult edhe falë kinemasë. Fjala vjen “You can never tell,” mbahet mend në skenën e mirënjohur të kërcimit në filmin “Pulp Fiction” të Quentin Tarantino apo “Johnny B. Goode” në filmin “Kthim nga e ardhmja – Back to the future”.
