Janë shtuar dyshimet se Papa Françesku do japë dorëheqjen pasi shtyu e vizitën në Afrikë dhe njoftoi për një mbledhje të pazakontë të kardinalëve.
I ngujuar nga dhimbja në gju dhe i detyruar të përdorë një karrige me rrota javët e fundit, Ati i Shenjtë, 85-vjeçar shtyu një udhëtim të planifikuar në korrik në Republikën Demokratike të Kongos dhe Sudanin e Jugut javën e kaluar.
Ai njoftoi gjithashtu një vendim të pazakontë për të mbajtur një mbledhje për të emëruar kardinalët e rinj gjatë muajit gusht.
Mbledhja e jashtëzakonshme do të mbahet më 27 gusht, në selinë katolike, për të zgjedhur 21 kardinalë të rinj – 16 prej të cilëve do të jenë nën moshën 80 vjeç dhe do të kenë të drejtën për të zgjedhur pasardhësin e tij në një konklavë të ardhshme.
