Vijon prej rreth një ore hyrja e delegatëve në brendësi të stadiumit “Air Albania”, si dhe simpatizantëve të PD-së. Ndonëse ishte përcaktuar që Kuvendi i thirrur nga ish-kryeministri Sali Berisha të niste në orën 10:00, siç duket kjo nuk do të jetë e mundur, pasi po bëhet ende verifikimi i të gjithë personave që hyjnë në stadium.
Të gjithë personat që do të futen në “Air Albania” janë pajisur me mjete identifikimi dhe barkode te veçanta, të cilat janë dhënë nga organizatorët.
Delegatët po ulen përballë tribunës kryesore, ndërsa dy anë të tjera të stadiumit duket se janë lënë bosh. Aktualisht ka radhë të madhe jashtë ambienteve të “Air Albania”.
