Udhëtimi nga Milano në Tiranë i udhëtarëve mund të anulohet. Burime pranë 27.al bëjnë me dije se fluturimi i “Wizz air” është shtyrë me 1 orë e 30 minuta.
Pasagjerët kanë qëndruar për më shumë se 1 orë e 30 minuta në aeroport. Ata kishin blerë biletën e kthimit në Tiranë për sot, por mesa duket do t’u duhet të kthehen sërish, për shkak të vonesave. Konkretisht, udhëtimi ka qenë në 21:45 dhe është shtyrë momentalisht për në 23:10.
Sipas informacionit që jepet në aeroport, mundësia më e madhe është që të fluturimi për sot të anulohet.
Deri më tani kompania “Wizz Air” nuk ka dhënë një shpjegim zyrtar në lidhje me shkakun e vonesë së fluturimit, ndërkohë që një ndër të drejtat e pasagjerëve është të informohen për incidente të tilla.
Të drejtat e pasagjerëve janë:
– të drejtën e informimit;
– të drejtën për rimbursim ose rishikim itinerari, nëse fluturimi është anuluar ose është mohuar imbarkimi, të drejtën për rimbursim nëse fluturimi juaj është me vonesë pesë orë ose më shumë;
– të drejtën për ndihmë dhe, në rrethana të caktuara, të drejtën për kompensim në rast të anulimit apo vonesave të gjata të fluturimit si dhe në rastet e mohimit të imbarkimit;
– të drejtën për t’u ankuar dhe për të kërkuar zhdëmtim;
– të drejtën për të udhëtuar në të njëjtat kushte si qytetarët e tjerë, nëse ju keni aftësi të kufizuara apo lëvizje të reduktuar.
