Vjen në Tiranë shfaqja muzikore “Shtëpia”, “Një qendër por jo një kufi”, ku performojnë në violinçel Jacopo Conoci, në fizarmonik Andi Zeka, ndërsa vokali nga Hersi Matmuja.
IllyriaTrio lindi nga dëshira për të plazmuar tingujt e folklorit shqiptar, nëpërmjet elementëve teknikë të muzikës klasike. Takimi mes zërit të Hersi Matmujës dhe dendësisë së tigujve të violinçelit te Jacopo Conoci-t percjellin hapin e parë të një vallëzimi që pasurohet më tej me ritme të reja të fizarmonikës së Andi Zekës.
Tre artistët pas eksplorimit të repertoreve muzikore si muzika klasike, pop e contemporane ideuan fillimin e këtij udhëtimi të veçantë brenda tingujve të traditës e cila u shndërrua menjëherë në një nevojë shpirtërore.
Shqipëria, atdheu i Hersit dhe Andit, që ndodhet përballë tokës pulieze nga e cila vjen dhe Jacopo, shndërrohet në një burim të pashtershëm për zgjedhjet muzikore. Tingujt e folkut shqiptar karakterizohen nga një repertor shumëngjyrësh, i cili lëviz në ritmin e valleve e notave herë të ashpra e herë të gëzueshme tipike të veriut të vendit e herë të dendura me nostalgji tipike të qendrës së vendit, duke lënë detyrën e joshjes harmonike në polifonitë elegante të jugut.
Shfaqja muzikore, bazohet në alternimin e muzikës dhe recitimin e teksteve të thjeshta, të shkruara dhe të ripërpunuara posaçërisht për t’i siguruar spektatorit një udhëtim që ndonjëherë merr pamjen e një sërë pikturash, të cilat i shfaqen publikut brenda një ore, orë në të cilën muzika e Shqipërisë takohet rrugës me Kosovën e duke arritur më në fund të arrijë Italinë e të shëtisë në rrugët e saj të lashta, rrugë këto që vazhdojnë të përcjellin tradiëen arbëreshe në mënyrë stoike. Filli lidhës i hulumtimit paraqitet në titullin e koncertit SHTËPIA.
Shtëpia, që për një gjeneratë të lindur praktikisht duke emigruar ka një kuptim të mjergullt. Kjo mjergull kthen kërkimin e “Shtëpisë” një nevojë primare, një qendër që të gjithë kërkojmë.
