Skandal me ndërtimet e shtëpive të shkatërruara nga tërmeti. Familjarët e banesës së ngritur për tre muaj në Farkë të Vogël nxjerrin zbuluar gjithë propagandën e kryeministrit Rama dhe kryebashkiakut Veliaj.
E zonja e shtëpisë, Aldie Balit, e cila mori çelësat nga kryeministri Rama dhe kryebashkiaku i Tiranës, Erion Veliaj, me 26 dhjetor, tregon se banesa është shkatëruar, shkallët janë krisur, dyert janë shqyer, ndërsa dyshemeja mbulohet nga uji i lagështisë.
Në këtë inaugurim, kamerat e Bashkisë përçuan imazhe mbresëlënëse për godinën e sapondërtuar në shtëpinë që familja humbi nga tërmeti. Pa u mbushur ende tre muaj, ndërtesa nuk ruan më atë pamje të servirur për mediat nga kryebashkiaku i Tiranës.
Zonja e shtëpisë tregon se si shtëpia degradoi në kaq pak kohë. “Duhet të ishte mbushur me granil, ka vetëm mbetje që hidhnin nga sovatimi. Muret janë mbushur me polisterol, material që përdoret për termoizolim. Është tulla, buka e peshkut dhe sovatimi.Kam qenë në komunë dhe i kam thenë administratorit, më ka thënë do ta rregullojmë. Deri sot asgjë nuk është bërë.”
Më dramatik është fakti se themelet e ndërtesës nuk japin asnjë garanci për sigurinë. Tani kjo familje ka në pronësi vetëm letrat e strehës së premtuar.
