Shtatë persona të infektuar me koronavirus, që vuajnë dënimin në burgun e Fushë-Krujës janë transferuar drejt burgut të Shënkollit në Lezhë.
Mësohet se u është marrë tamponi edhe disa punonjësve dhe të dënuarve që dyshohet se kanë pasur kontakte me personat e infektuar.
Nga autoritetet burgu i Shënkollit është caktuar për izolimin e të dënuarve me koronavirus. Në këtë institucion të vuajtjes së dënimit ka një ambient të posaçëm për personat e prekur nga Covid.
Mirëpo, ambienti i posaçëm për raste të tilla nuk ofron as kushtet minimale për trajtimin e të sëmurëve.
