Shqiptarët nuk i ndal as pandemia. Ata renditen së bashku me afganistanasit dhe bangladeshasit në krye të listës së emigrantëve dhe kërkesave për azil në shtetin francez. Sipas të dhënave të mediave franceze, të cilat citojnë Ministrinë e Brendshme vendase, kërkesat për azil janë rritur pavarësisht bllokimeve që ka sjellë pandemia e koronavirusitazil-shqiptare-france
Sipas këtyre të dhënave rezulton se, gjatë vitit 2021 janë paraqitur 104,577 kërkesa krahasuar me 81,531 në vitin 2020, një rritje prej 28%. Në total, pas studimit të dosjeve në Ofpra (Zyra Franceze për Mbrojtjen e Refugjatëve dhe Personave Pa Shtetësi) dhe në Gjykatën Kombëtare për të Drejtën e Azilit, 54,094 persona kanë marrë mbrojtje nga Franca.
Sipas Ministrisë së Brendshme franceze, vendet kryesore të origjinës së aplikantëve mbeten Afganistani(16,126 kërkesa, +62%, pas në veçanti operacionet e evakuimit nga Kabuli në gusht), Bregu i Fildishtë (6,268, +35%), Bangladeshi (6,232, +36%), Guinea (5,286, + 13%). Shqipëria (e 6-ta, +148%) dhe Gjeorgjia (7, +159%) janë rikthyer në kombësitë kryesore.
Përsa i përket depërtimeve të të huajve, mësohet se ato u rritën me 8,2% krahasuar me vitin 2020 (13,403 kundrejt 12,384), por mbetet shumë larg nivelit të vitit 2019, me 23,746 raste, ndërkohë që, ishin dëbimet në mënyrë rigoroze, të quajtura “largime të detyruara” (+10%), të cilat ishin forca shtytëse, veçanërisht ato të të huajve të kthyer jashtë Evropës (+19.2%). (Përshtatur nga actu.orange.fr)
