9 personazhe të njohur të ekranit kanë dhënë një mesazh promovues të fushatës “Shqipëria Pa Armë”.
Pjesë e këtij spoti janë bashkuar aktorë të teatrit si Laert Vasili, Elia Zaharia, Ledion Zoi, me këngëtare si Julka Dhamo dhe Eneda Tarifa, aktivistë si Ened Mato dhe njeriun e letrave Erion Kristo, prezantues si Ardit Roshi dhe Arjon Muça
Në spotin e publikuar nga Ministria e Brendshme, përmes një loje fjalësh mes peshës që kanë pasojat e armëmbajtjes dhe lehtësisë me të cilin zgjidhet me dhunë një konflikt i çastit, ata u bëjnë thirrje qytetarëve të Republikës së Shqipërisë të gjejnë zgjidhje paqësore për konfliktet dhe të dorëzojnë vullnetarisht armën e paligjshme brenda 30 prillit.
Ky është spoti i dytë i realizuar në kuadër të kësaj fushate, pas atij bazuar në një ngjarje të vërtetë.
Spotet janë pjesë e fushatës informuese dhe ndërgjegjësuese online për të nxitur dorëzimin vullnetar të armëve të zjarrit brenda amnistisë në fuqi deri në 30 prill 2017 (datë pas së cilës dënimi për mbajtjen dhe përdorimin e armës së zjarrit mund të arrijë deri në 15 vite heqje lirie).
