Shqipëria shpalli sot “non grata” dhe dëboi diplomatin rus, Alexey Krivosheev.
Ambasada ruse në Tiranë ka reaguar pas dëbimit të diplomatit me argumentin se shkeli masat anti-covid-19.
Mediat ruse shkruajnë se selia diplomatike në Shqipëri, së pari i konsideron akuzat të pabaza dhe së dyti thotë se nxjerrja e emrit të zyrtarit bie ndesh me praktikën ndërkombëtare diplomatike.
“Ambasada Ruse në Shqipëri i konsideron akuzat të pabazuara. Ata vunë në dukje se publikimi në njoftimin për shtyp të emrit dhe mbiemrit të punonjësit bie ndesh me praktikën ndërkombëtare diplomatike” shkruajnë mediat ruse.
