Deputeti i Partisë Demokratike, Ervin Salianji ka reaguar në lidhje me mega-operacionin ku u sekuestrua kokainë me vlerë 40 milionë euro e fshehur mes plehut kimik në Fier dhe u arrestuan 10 persona.
Me anë të një postimi në Facebook, Salianji shkruan se pre vitesh Departamenti Amerikan i Shtetit tregon që Shqipëria është kthyer në qendër operacionale për trafikun e kokainës përveçse vendburim i kanabisit.
Salianji shton se miliarda euro të gjeneruara nga aktiviteti kriminal përfshihen në politikë për të prodhuar atë që ai e quajti “plehu politik që dhunon, zhvat e varfëron qytetarët”.
Lexo edhe: Afera e Portit të Durrësit, Berisha: Ja si do ta ndalojmë
Postimi i plotë:
Thasët me “pleh” që prodhojnë dhe imponojnë plehun politik prej vitesh.
Një operacion i vetëm i koordinuar nga partnerët kap një sasi droge me vlerë 40 milion Euro, kjo vetëm në një fshat!
Prej vitesh Departamenti Amerikan i Shtetit në raport tregon që Shqipëria është kthyer në qendër operacionale për trafikun e kokainës përveçse vendburim i kanabisit!
Miliarda euro të gjeneruara nga aktiviteti kriminal përfshihen në politikë për të prodhuar plehun politik që dhunon, zhvat dhe varfëron qytetarët. Deputetë, kryebashkiakë dhe lidhje të afërta të qeveritarëve janë kapur tanimë si trafikantë droge, trafikantë të qenieve njerëzore, hajdutë, përdhunues.
Është sistemi i ndërtuar nga Rama, duhet shembur!
