Me rastin e Ditës së Europës, nxënës nga shkolla të ndryshme të mesme të Tiranës vizituan sallën e Parlamentit shqiptar dhe më pas lanë shënimet e tyre në librin e përshtypjeve të Parlamentit. Nga një reportazh i televizionit News 24 me këta fëmijë dhe duke parë shënimet e tyre kuptohet se zhgënjimi me klasën politike në vend ka përfshirë dhe ata pavarësisht se janë akoma të vegjël. Por ashtu si me të rriturit që shfaqin militantizëm edhe ata kanë shfaqur simpatitë e tyre për liderët politikë.
Mesazhet më domethënëse të tyre mund të përmblidheshin tek zhgënjimi dhe mungesa e besimit ndaj politikës dhe politikanëve.
“Shpresoj që një ditë të bëheni të denjë për këtë vend, për këtë komb, për këtë vend që nuk po njeh asnjë ditë të mirë! Do të vijë dita që do të largohem nga ky vend, sikur një ditë ta shihja këtë vend megjithëmend të rilindte”.
“Shpresojmë të miratoni Reformën në Drejtësi! Shpresojmë të gjeni bashkëpunim dhe të krijoni dialog me njëritjetrin, për të mirën e kombit shqiptar”.
“Vend i mrekullueshëm, uroj që dhe njerëzit që ulen dhe flasin aty të jenë të tillë”.
“Parlamenti i bukur, njerëzit brenda jo”
“Xhaxhi Edi të rujt Zoti ishallah!
“Sali Berisha zemër”
