Rojet bregdetare italiane kanë shpëtuar afro 6.500 emigrantë në ujrat e detit Mesdhe. Shumica e emigrantëve që ndodheshin në këto mjete lundruese vinin nga Somalia, por kishte edhe nga shumë vende të Afrikës. Mes tyre ka edhe shum fëmijë.
Ekspertët shprehin shqetësim në lidhje sa i përket trafikut të qënieve njerëzore, pasi shumica e emigrantëve paguajnë shuma të konsiderueshme parash për të mbërritur në brigjet e Italisë, nga ku vijojnë edhe rrugëtimin e tyre drejt vendeve të tjera të Europës Perëndimore. Gjithashtu, një tjetër problem shqetësues është fakti se trafikantët përdorin barka mjaft të vjetëruara për të transportuar emigrantët, të cilat në shumicën e rasteve tejmbushen përtej kapaciteteve.
