Policia Kufitare e Durrësit i erdhi në ndihmë 2 shtetasve, pjesëtarë të ekuipazhit të një mjeti lundrues të cilëve po iu rrezikohej jeta në det, për shkak të dallgëve të larta dhe erës së fortë.
Mjeti lundrues, gjatë tërheqjes nga një rimorkiator, për ta nxjerrë në radë, u fundos për shkak të dallgëve të larta dhe erës së fortë. Shërbimet e Policisë Kufitare menjëherë pas njoftimit organizuan punën për ti ardhur në ndihmë shtetasve J. A, 27 vjeç dhe M. T., 64 vjeç, të dy banues në Durrës.
Njoftimi i Policisë:
“Port Durrës Policia Kufitare e Durrësit iu vjen në ndihmë 2 shtetasve, pjesëtarë të ekuipazhit të një mjeti lundrues (çisternë uji) të cilëve po iu rrezikohej jeta në det, për shkak të dallgëve të larta dhe erës së fortë. Mjeti lundrues i tyre, gjatë tërheqjes nga një rimorkiator, për ta nxjerrë në radë, u fundos për shkak të dallgëve të larta dhe erës së fortë.
Salla operative e Drejtorisë Vendore të Policisë Durrës ka marrë njoftim se për shkak të një defekti teknik, një mjet lundrues (çisternë uji) kishte ndaluar lëvizjen në det dhe se 2 pjesëtarëve të ekuipazhit të tij po iu rrezikohej jeta, nga dallgët e larta të detit dhe era e fortë.
Shërbimet e Policisë Kufitare të portit të Durrësit, menjëherë pas marrjes së këtij njoftimi, organizuan punën me qëllim ardhjen në ndihmë shtetasve J. A., 27 vjeç dhe M. T., 64 vjeç, të dy banues në Durrës, pjesëtarë të ekuipazhit të një mjeti lundrues (çisternë uji).
Falë ndërhyrjes së menjëhershme dhe angazhimit profesional të punonjësve të Policisë Kufitare, me mjetin e tyre lundrues, u bë e mundur nxjerrja në breg të detit, e të dy shtetasve, në gjendje të mirë shëndetësore. Ndërsa mjeti lundrues (çisternë uji) që tërhiqej nga një mjet rimorkiator, me qëllim kryerjen e furnizimit me ujë, sipas kërkesës së paraqitur për furnizim bordi me ujë në një anije, u fundos për shkak të dallgëve të larta.”
The post Shpëtohen dy shtetas që rrezikuan të mbyten në Adriatik appeared first on 27.
