Sulmi kamikaz u krye duke përdorur një makinë bombë
Policia turke nëpërmjet një deklarate konfirmoi se nga shpërthimi në Ankara humbën jetën 34 persona, 30 në vendin e ngjarjes dhe 4 të tjerë rrugës për në spital. Ndërkohë në orët më pas sipas autoriteteve të sëndetësisë, vdiqën në spital edhe 3 persona që ishin në gjendje rëndë e kritike për jetën. Ngjarja që tronditi opinionin public turk e më gjerë, ndodhi në lagjen “Kizilay”, në qendër të Ankarasë, mbrëmjen e së dielës. Sipas mediave vendase sulmi kamikaz u krye duke përdorur një makinë bombë. Shpërthimi ka ndodhur në afërsi të stacionit të autobusave në bulevardin “Ataturk” dhe në afërsi të shumë institucioneve shtetërore. Nga shpërthimi, disa automjete ishin përfshirë nga zjarri. Ndërsa forcat e policisë rrethuan zonën dhe evakuuan banorët për shkak të ndonjë rreziku nga një sulm i dytë. Ndërsa Këshilli i Radio Televizionit të Lartë Turk vendosi të ndalojë publikimin e imazheve të shpërthimit. Ky është shpërthimi i tretë i madh që ka goditur kryeqytetin turk që nga tetori 2015. Vetëm disa javë më parë rreth 30 persona humbën jetën nga një shpërthim kamikaz në Turqi.
