Sulmi kamikaz në afërsi të ndërtesave qeveritare
Mediat turke raportojnë se nga shpërthimi i mbrëmjes në Ankara kanë mbetur 27 viktima dhe mbi 75 të plagosur. Mediat shkruajnë se shpërthimi erdhi nga një sulm kamikaz, duke përdorur një makinë bombë. Edhe policia turke nëpërmjet një komunikate, ka specifikuar se 23 persona vdiqën në vendin e ngjarjes dhe 4 të tjerë rrugës për në spital. Shpërthimi ka ndodhur në afërsi të stacionit të autobusave në bulevardin “Ataturk” dhe në afërsi të shumë institucioneve shtetërore.
Nga shpërthimi, disa automjete ishin përfshirë nga zjarri. Ndërsa forcat e policisë rrethuan zonën dhe evakuuan banorët për shkak të ndonjë rreziku nga një sulm i dytë. Ndërsa Këshilli i Radio Televizionit të Lartë Turk ka vendosur të ndalojë publikimin e imazheve të shpërthimit. Ky është shpërthimi i tretë i madh që ka goditur kryeqytetin turk që nga tetori 2015. Vetëm disa javë më parë rreth 30 persona humbën jetën nga një shpërthim kamikaz në Turqi.
