Aktivizohet një tjetër vatër zjarri. Këtë herë, flakët janë ndezur në aksin e rrugës nacionale Fushë Krujë-Thumanë në fshatin Luz. Pranë vatrës së zjarrit ndodhet një objekt privat i llojit fasoneri dhe një banesë, të cilat rrezikohen nga flakët.
Në vendngjarje kanë mbërritur zjarrfikëset e Krujës. Zjarrfikësit po punojnë për shuarjen e flakëve. Ditët e fundit Shqipëria është përfshirë sërish nga flakët. Vatra të ndryshme zjarri janë aktivizuar në Shkodër, Elbasan, Vlorë dhe Fushë Krujë. Ndërhyrje nga ajri ka pasur vetëm në Bukmirë.
