Një 21-vjeçar është arrestuar nga policia pasi u zbulua se shiste kanabis me doza të vogla në zonën e Paskuqanit. Në pranga ka përfunduar i riu, Ilson Beqiraj. Gjatë kontrollit të ushtruar në banesën e tij në Paskuqan, shërbimet e Policisë kanë gjetur dhe sekuestruar në cilësinë e provës materiale, një sasi lënde të dyshuar narkotike të llojit cannabis sativa.
Beqiraj pasi siguronte sasi të konsiderueshme të lëndës narkotike cannabis sativa, e shiste atë në doza të vogla, në zonën e Paskuqanit. Tashmë ai do të përballet me veprën penale “Prodhimi dhe shitja e narkotikëve”.
Ndërsa po vazhdojnë hetimet për të zbuluar persona të tjerë më të cilët ai bashkëpunonte dhe blinte drogën. Deri më tani i riu ka mohuar që të shiste drogë, ai ka thënë se blinte vetëm për përdorim vetjak.
