Dy emigrantë shqiptarë të cilët qëndronin në Angli në mënyrë ilegale janë arrestuar pasi akuzohen për trafikim droge.
Shtetasit Adison Neziri dhe Abedin Jata janë kapur duke trafikuar një kilogram kokainë me vlerë deri në 100,000 paund nga Norëich në Londër.
Emigrantë u monitoruan nga policia britanike pasi bënin lëvizje të dyshimta me taksi në Norëich.
Oficeri i policisë së Norëichit rrëfeu për mediat angleze edhe momentin kur policia zuri në flagrancë shqiptarët.
“Makina ishte drejtuar për në Bell Road afër Sproëston Road dhe Neziri doli nga makina ku mbante një çantë transportuesi. Ai hyri në një rrugicë dhe më pas u zhduk. Ne pritëm deri sa të kthehej në makinë ku po e priste Jata dhe më pas i arrestuam.
Neziri iu gjetën edhe një grup çelësash me të cilët policia hapi dhe bastisi banesën ku ai jetonte në rrugën Sproëston. Gjatë kontrollit në banesë u gjet edhe një bllok me 995 gramë kokainë të ndarë në 61 doza”, tha oficeri i policisë së Norëichit.
Të dy shtetasit shqiptarë, Jata dhe Neziri pranuan që ishin shpërndarës droge.
Në pranga ra edhe 24 vjeçari Philip Misner, i cili sipas deklaratës së Abedin Jatës e përdornin si korrier.
