Ilir Murataj i njohur ndryshe si Ceni, vëllai i Admir Murataj i cili mbeti i vrarë në grabitjen e Rinasit, është shpallur në kërkim pasi në banesën e tij janë gjetur armë të cilat i kishte pa leje.
Policia bën me dije se në banesën e 53 vjeçarit në Çerem të Tropojës, janë gjetur dhe sekuestruar një armë zjarri automatik, pushkë tip snajper, një sasi municioni luftarak, fara të dyshuara narkotike kanabis, dylbi dhe elektrik dore.
Gijtina.com, ka siguruar foton e “Cenit”.
Materialet i hetimore i kaluan Prokurorisë pranë Gjykatës së Shkallës së Parë Tropojë, për veprime të mëtejshme.
Kujtojmë se, Admir Murataj u vra më 2017 pas grabitjes spektakolare në aeroportin e Rinasit, ku nën kërcënimin e armëve u morën rreth 3.2 mln euro.
Grabitja në Rinas
Më 9 prill të vitit 2019, 4 persona të maskuar grabitën 4.6 milionë euro nga barku i avionit “Austrian Airlines”. Sipas burimeve, paratë i përkisnin bankave të nivelit të dytë dhe do të transferoheshin jashtë Shqipërisë. Plani ishte i tillë që, autorët të futeshin nga hyrja e pasme e aeroportit me një fugon me mbishkrimin “Hetimi Tatimor”. Pas grabitjes, autorët mësohet të jenë përleshur me policinë, ku mbeti i vrarë A. Murataj, i cili cilësohej si koka e grupit. Sipas grupit hetimor, K. Çala dhe A. Murataj ishin autorët që hartuan dhe më pas zbatuan planin e grabitjes së rreth 5 milionë eurove në momentin që po ngarkoheshin në barkun e avionit të linjës Tiranë-Vjenë. Konkretisht, koka e grupit 46-vjeçari Murataj mësohet të ketë humbur jetën gjatë shkëmbimit të zjarrit me policinë një kilometër larg Rinasit, ndërsa 20 thasët e grabitur me para nuk janë gjetur ende nga uniformat blu. Ndërkohë, rezultoi se anëtari tjetër i grupit kriminal K. Çala mësohet të ketë siguruar nga Kosova automjetet e përdorura në grabitje, ndërsa vëllai i tij E. Çala ka bërë modifikimin e tyre në një ofiçinë në qytetin e Elbasanit. Me urdhër të Prokurorisë së Krimeve të Rënda, gjykata ka lënë në burg 7 të persona të tjerë të cilët akuzohen gjithashtu si të përfshirë në grabitjen e 9 prillit në Rinas dhe krijim të grupit të strukturuar kriminal. Pas hekurave janë R. Hajdini, E. Pikli, A. Bengasi, R. Sulaj, O. Veseli, S. Çela dhe H. Kanaçi.
