Shoqata e Transportit Qytetas i ka dërguar një peticion kryeministrit Edi Rama, kreut të bashkisë Tiranë Erion Veliaj, zv.kryeministrit Arben Ahmetaj dhe ministrave Delina Ibrahimaj dhe Belinda Balluku duke i paralajmëruar për mbylljen e shërbimit që prej 1 marsit nëse nuk u plotësohen disa kërkesa.
Në shkresën zyrtare, kjo shoqatë kërkon rimbursimin e TVSH në shitje, heqja e akcizës 37 lekë/litër, heqjen e taksës së qarkullimit për subjektet e licencuara dhe rimbursimin nga ministritë e linjës lidhur me kategoritë (tetraplegjikë, paraplegjik, invalid pune, të verbët dhe studentët).
Sipas tyre, nëse këto kërkesa që kanë parashtruar nuk plotësohen, pritet që duke nisur nga muaji i ardhshëm të ndërpresin shërbimin e tyre duke shkaktuar kaos në qarkullim.
