Policia Rrugore e Tiranës ka ndërmarrë një aksion, kundër shoferëve të autobusëve urbanë, të cilët drejtojnë mjetin në gjendje të dehur.
Nisur nga disa shqetësime të qytetarëve në lidhje me drejtues të linjave të transportit publik të cilët kanë qnë nën efektin e alkoolit, Policia Rrugore e Tiranës në orët e para të mëngjesit të sotëm ka ushtruar kontrolle të befasishme.
Janë ngritur disa pika kontrolli në segmente të ndryshme, duke kontrolluar dhe testuar drejtuesit e autobusëve të transportit urban qytetas dhe transportit të specializuar për parashkollorët dhe nxënësit e shkollave.
Në funksion të këtij plani janë realizuar 142 teste me aparatin alkoolmatës “Drager” dhe vetëm një drejtues mjeti i linjës të transportit urban qytetas, përkatësisht i linjës Kombinat-Kinostudio i cili drejtonte një autobus artikular nën efektin e alkoolit, rezultoi në testin e parë 0.22 mg/l dhe në testin e dytë 0.23 mg/l.
