Fakulteti i Gjuhëve të Huaja bëhet universiteti i parë që ka nisur përgatitjen për provimet online ndërkohë që institucionet arsimore në vend janë të mbyllura për shkak të pandemisë së koronavirusit.
Përmes një njoftimi në faqen e saj zyrtare, FGJH njofton se do të ketë dy sezone për testimin e studentëve online dhe do të jenë vetë studentët se në cilin sezon do të futen në provim.
“Të dashur Studentë të FGjH! Jemi të angazhuar që Ju të përfundoni me Sukses Vitin akademik 2019-2020! Ne kemi Gati Planin B të dhënies së provimeve online! Studentët që duan të japin Provimet online do të mund t’i japin ato në Sezonin e Verës pra Qershor-Korrik dhe Minivjeshtë korrik! Ata që nuk janë të gatshëm do të kenë në Shtator një Sezon apostafat para Sezonit Normal të Vjeshtës !!!! Kjo është menyra më e mirë për t’i shërbyer Studentëve që duan të Përfundojnë Detyrimet akademike në qershor korrik! Ju zgjidhni!
Po sikur të vendosë Qeveria Shqiptare për Kthim në Auditore që Nesër, ne jemi të gatshem! Ju lutemi mos besoni informacione të shtrembëruara por vetëm ato që vijnë apo publikohen nga Burime zyrtare të FGjH-se UT! Patjetër që do të merrni sqarimet në vijim për çdo problem kemi një zgjidhje! Sipas Regullores deri më tashti do të funksionojë dhe sezoni i verës online! Po kështu dhe rregjistrimet!!! Mos Harroni! Studentët zgjedhin vetë nëse do të japin provimet online këtë Verë për arsye të Emergjencës apo në shtator para sezonit të Vjeshtës !”, thuhet në njoftim.
