Ditën e sotme do të zhvillohet konkursi për 500 vende për Patrullë e Përgjithshme. Mësohet se 2 120 aplikantë do të marrin pjesë në testimin me shkrim.
Testimi do të zhvillohet në dy faza, ku si fillim në provim do të futen aplikantët e qarqeve Tiranë, Berat, Durrës e Fier. Ndërkohë në fazën e dytë do të marrin pjesë aplikantët e qarqeve Gjirokastër, Vlorë, Elbasan, Korçë, Lezhë, Shkodër, Kukës, Dibër.
Kujtojmë se në datën 3 korrik u hapën aplikimet 500 vende, për Patrullë të Përgjithshme.
Ditën e djeshme, drejtori i Kolegjit Policor, Drejtues Ylli Vasili pohoi se çdo konkurrent, në fund të çdo faze konkurrimi, në rast se nuk është dakord me rezultatin, ka të drejtën e ankimimit brenda dy ditëve.
