Myftiu i Shkodrës, Haxhi Muhamed Syrtari gjatë faljes së Xhumasë në xhaminë e Parrucës ka bërë thirrje që të gjithë të luten për Halepon.
Myftiu është shprehur se ajo që po ndodh në Halepo tregon rrënimin e vlerave të njerëzimit.
Ai ka shtuar se, këto ngjarje tregojnë edhe dështimin e organizatave ndërkombëtare dhe politikës globale në Halepo.
Gjithashtu dhe famulltari i Katedrales Shën Shtjefni në Shkodër, Dom Artur Jaku pasditen e sotme i ka bërë thirrje besimtarve të luten për Halepon dhe Sirinë.
Në fjalën e tij Dom Artur Jaku është shprehur se ky gjest modest është një solidarizim me popullin sirian në këto ditë të vështira.
