Pas periudhës të plotë të izolimit, ku sallat e koncerteve qëndronin të heshtura, dhe nëpër teatrot e mëdha platetë e lozhat ishin bosh dhe nuk dëgjoheshin më duartrokitjet ndërsa artistët me artin e tyre ishin privuar nga emocionet prej kontaktit direkt me publikun…
Ditën e djeshme rifilloj gjithçka, me energji të reja për të demonstruar fuqine madhështore të Artit. Italia, atdheu i muzikës lirike, mbrëmjen e djeshme hapi kalendarin e shfaqjeve me “Traviatën” e Giuseppe Verdi, emrin e të cilit edhe mban.
Pjesë e kastit të Artistëve ishin dy shqiptarë Nina Muho dhe Hektor Leka, ku interpretuan në skenën e Teatrit Lirik “Verdi” në qytetin e Triestes në Itali, të cilët u pritën me duartrokitje të shumta nga publiku.
Kur shumë koncerte janë pezull dhe kur pandemia vijon të kufizojë mbajtjen e kalendarëve muzikorë në shumë vende, shteti fqinj dhe qyteti i njohur që ka mirëpritur shumë artistë, dhuroi në mesnatë një program të pasur dhe të kujdesur në çdo detaj.
