Shkatërrohet karteli i drogës në Itali që vepronte në zonën e Catanias. Në pranga janë 13 persona nga dy grupe të ndryshme kriminale, mes të cilëve shqiptarë dhe kolumbiaë. Gjatë operacionit janë sekuestruar 365 kg lëndë narkotike e llojit marijuanë dhe kokainë.
Operacioni u ndërmor sot në mëngjes, nga karabinierët që mbulojnë sektorin antidrogë dhe antikrimi ekonomik.
Dyshohet se të gjithë të arrestuarit bashkëpunonin me njëri-tjetrin në trafikun e lëndës narkotike, duke vepruar si një bandë kriminale. Nuk bëhen me dije identitetet e personave që janë arrestuar nga Policia e Katanias.
