17 persona janë arrestuar mëngjesin e sotëm nga policia italiane pasi akuzohen për pjesëmarrje në një organizatë kriminale, zhvatje, si dhe trafikim armësh e droge.
14 prej tyre u lanë në masën e “arrestit me burg” ndërsa 3 prej tyre me masën “arrest shtëpiak”.
Grupi Casalesi vepron si një familje e madhe kriminale në Caserta të Napolit. Grupi vepronte me disa napolitanë, por edhe me shqiptarë. Mësohet se pikërisht me shqiptarët bëhej më shumë trafik armësh dhe droge. Lënda narkotike vinte më shumë nga Shqipëria, dhe dërgoheshin në Itali nëpërmjet porteve.
Në të njëjtën kohë u zbulua se disa shqiptarë të grupit, përveç drogës, shfrytëzuan prostitucionin e grave bullgare dhe rumune në provincat e Napolit dhe Caserta.
