Një grup kriminal shqiptaro-italian i trafikut ndërkombëtar të kokainës është shkatërruar nga policia italiane. Në pranga kanë rënë dy shtetas shqiptarë të identifikuar si Bledar Shtëmbari, i njohur si Bledi dhe Armand Çuni, të dy 44 vjeç.
Bledi rezulton se ka qenë ndër personat që drejtonin bandën. Shtëmbari kishte trafikuar drogë nga Belgjika në Itali. Ndërsa Çuni një shtetas i parregullt në territorin kombëtar, u mor në paraburgim. Ai në organizatë kishte rolin e pjesëmarrësit, që merrej me shitje me pagesë.
Akuzat me të cilat përballen të akuzuarit janë prodhimi, trafikimi dhe posedimi i drogës, krijimi i një shoqate me synim të trafikut të lëndëve narkotike, rrëmbim për pagesë, plagosje e rëndë, mbajtje pa leje e armëve dhe grabitje.
