Drejtori i Postës Shqiptare, Majlind Lazimi e ka quajtur të jashtëligjshëm urdhrin e ministres së Ekonominsë për largimin e tij nga puna.
Lazimi e cilësoi nul vendimin pasi nuk ka raport të këshillit mbikqyrës të postës.
“Ky urdhër nuk ka asnjë relacion shpjegues,asnjë konkluzion të gjetjeve auditimi aopo kontrolli. E vetmja gjë që kam është një urdhër me katër pika që më duhet ta them që nga baza ligjore është nul.
Vendimet e shkarkimeve merren me vendim të Këshillit Mbikqyrës të Drejtorisë së Përgjithshme të Postës Shqiptare. Ka një procedurë ligjore mbi të cilën janë marrë vendime si për lirimin apo emërimin e administratorit të përgjithshëm të postës shqiptare”, shprehet Lazimi.
Lazimi e cilësoi këtë një “gjueti shtrigash dhe inskenim politik” ndërsa thekson se nuk ëhstë presion ndaj asnjë punonjësi të Postës Shqiptare.
“Unë do ta ndjek në rrugë ligjore këtë çështje. Unë do të hap një çështje gjyqësore për këtë urdhër të paligjshëm të ministres Ekonomi.
Sapo u njoftova nga mediat për një lajm të çuditshëm për lirimin tim nga pozicioni i Drejtor i Përgjithshëm i Postës Shqiptare. Shkarkimi im është i paligjshëm dhe vetëm për arsye politike. Shkarkimi im hakmarrje politike. Nuk ka asnjë prove ligjore për këtë akuzë. Është një akt dëshpërimi. Asnjë presion nuk është bërë ndaj asnjë punonjësi të Postës Shqiptare.”– tha Lazimi.
Drejtori i Postave, Majlind Lazimi është liruar nga detyra menjëherë pas ngritjes së Task Forcës së Monitorimit të Administratës, sipas së cilës ai ka qenë në fushata elektorale.
