Sot në Komisionin e Pavarur të Kualifikimit është shkarkuar nga detyra kryetarja e Gjykatës së Tiranës, Enkeledi Hajro.
Vendimi është marrë nga treshja e vlerësuesve që përbëhej nga Olsi Komici kryesues, Roland Ilia relator dhe Valbona Sanxhaktari anëtare. Në cilësinë e vëzhguesit ndërkombëtar ishte Maria Tuma.
KPK deklaroi gjatë seancës dëgjimore se Harjo kishte mungesë të burimeve financiare për katër vite, ndërkohë shtoi se subjekti kishte deklaruar vlerë të ndryshme nga ajo reale për një apartament të blerë në Tiranë, duke u dakortësuar me shitësin, pasi banka nuk i jepte kredi më të lartë se 70% i vlerës së objektit.
