Drejtori i Cirkut Kombëtar, Saimir Çili është shkarkuar sot nga detyra me Vendim të Këshillit të Ministrave.
Kantautori Saimir Çili është emëruar drejtor i Cirkut Kombëtar të Tiranës në vitin 2017, ndërsa ende nuk dihet kush do ta pasojë në këtë post.
Kujtojmë që Çili zuri vendin e Kujtim Dumit, që u denoncua asokohe për korrupsion.
Vendimi i plotë:
VENDIM PËR LIRIMIN NGA DETYRA TË DREJTORIT TЁ CIRKUT KOMBËTAR
Në mbështetje tё pikës 2, të nenit 100, të Kushtetutës, dhe të pikës 4, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave
V E N D O S I:
Sajmir Çili lirohet nga detyra si drejtor i Cirkut Kombëtar.
Ky vendim hyn në fuqi menjëherë.
KRYEMINISTRI EDI RAMA
Kantautori Saimir Çili është emëruar drejtor i Cirkut Kombëtar të Tiranës në vitin 2017. Marrja e këtij pozicioni nga Çili është bërë pas shkarkimit të ish-drejtorit Kujtim Dumi, i denoncuar për korrupsion. Kantautori ka afro dy dekada që punon në ish-Estradën e Tiranës, që kishte në varërsi edhe Cirkun, dhe Çili ka qenë pranë Cirkut me orkestrimet e pjesët muzikore të shfaqjeve, dhe sot dirigjent i orkestrës së Cirkut Kombëtar, ndaj emërimi i tij është mirëpritur nga artistët.
