Shkarkohet nga detyra drejtoresha e Bibliotekës Kombëtare, Persida Asllani.
Vendimi është marrë në mbledhjen e zhvilluar gjatë ditës së sotme nga Këshilli i Ministrave.
Nuk dihen ende arsyet e vendimit, ndërsa kujtojmë që Asllani ka prej pesë vitesh në krye të Bibliotekës Kombëtare.
Vendimi:
Në mbështetje të nenit 100 të Kushtetutës dhe të pikës 11, të nenit 27, të ligjit nr.8576, datë 3.2.2000, ‘Për bibliotekat në Republikën e Shqipërisë’, të ndryshuar, me propozimin e ministrit të Kulturës, Këshilli i Ministrave.
VENDOSI:
Znj. Persida Asllani, drejtor i Bibliotekës Kombëtare, të lirohet nga kjo detyrë. Ky vendim hyn në fuqi menjëherë dhe botohet në ‘Fletoren zyrtare’.
