Erion Veliaj vazhdon të presë pyjet pa kriter për dru zjarri, ndërsa plani për Pyllin Orbital i dështoi. Vetëm brenda këtij viti janë zhvilluar disa herë projekte për prerje pemësh dhe prodhim të lëndëve drusore për djegie, pa u përcaktuar se ku nevojiten këto dru dhe sa është masa që nevojitet.
Në muajin tetor drejtoresha e Agjencisë së Parqeve dhe Rekreacionit, Anisa Ruset, me urdhrin e Lali Erit ka shpallur tenderin me objekt “Prodhimi i lëndës drusore (Trajtimit teknik të pyjeve me prerje rigjeneruese dhe shëndetësore)”. Në fakt nuk dimë që prerjet e pyjeve nga kjo agjenci të kenë rezultuar rigjeneruese, madje në shumë zona kanë hasur kundërshti nga banorët të cilën shohin barbarinë që behët në pyje.
Gjithsesi ky ishte urdhër i shefit dhe Ruseti e ka zbatuar duke i vënë në dispozicion fondin limit prej 300 milionë lekësh.
Gara ka qëndruar e hapur deri më datë 18 nëntor dhe gatë kësaj kohe ka dorëzuar ofertë vetëm firma “K.KORRA” SH.P.K. Pikërisht këtu nis abuzimi dhe faktet që na dëshmojnë se ne këtë tender nuk kemi të bëjmë me plane për rigjenerim, por me abuzim.
Duke qenë se gjatë afatit të vënë në dispozicion një muaj, u paraqit vetëm një ofertë e cila nuk dihet sa i plotëson kriteret e prokurimit, procedurat duheshin pezulluar.
Por siç e thamë pikësynimi i këtij tenderi ka qenë abuzimi me fondi dhe mungesa e konkurrentëve e bënte rrugën më të lehtë.
Me siguri pasi ka rënë dakord për pazaret e fshehta, Veliaj ka shpallur fituese firmën “K.KORRA” SH.P.K sigurisht pa garë se nuk kishte konkurrent përballë.
Më datë 16 dhjetor kontrata që është e nxirë në shkelje është publikuar në buletinin e Agjencisë së Prokurimeve Publike, duke nxjerrë sërish në pah faktin se kjo agjencinë nuk bënë punën e saj.
Kjo taktikë abuzive ngre dyshime nëse këto kompani që favorizon Lali Eri shkojnë të presin dru sipas rregullave, pasi deri me sot nuk rezulton ashtu.
Ndërkohë edhe njëherë ngremë pyetjen ku do t’i çojë Bashkia kaq shumë dru zjarri, pasi në muaji korrik u zhvilluan tenderë me vlerë 90 mln lekë për prerje pyjesh, të gjithë pa garë.
Bashkë më tenderin e fundit shkojnë 390 milionë lekë para të vjedhura për të sabotuar pyjet në vetëm 6 muaj.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
