Drejtorja e Institutit të Shëndetit Publik, Albana Fico ka thënë se Shqipëria aktualisht ka në dispozicion 300 mijë vaksina.
Në një konferencë për shtyp të mbajtur gjatë ditës së sotme, Fico ka dhënë edhe arsyet se pse sheshi i vaksinimit në Tiranë është i boshatisur herë pas herë, duke thënë se ardhja e muajit të shenjtë të Ramazanit ka ndikuar. Megjithatë ajo shtoi se vaksinimi nuk përben problem për Ramazanin dhe mund të vazhdojë normalisht.
“ Jemi diku tek 300 mijë vaksina për të vijuar. Nëse do të ditësh totalin është mbi 700 mijë vaksina. Përveç se një arsye që është një gëzim, Ramazani e ka ngadalësuar. Por në të gjitha në këto raste dhe ka dalë me thirrje të vijojë të vaksinohen, kjo merr pak kohë deri në ndërgjegjësim të tyre. Fakti që në vijojmë të marrim vaksina. Nuk ka asnjë arsye tjetër përveç kësaj feste. Është shans i madh për të mos u bërë pre e Covid-19” tha Fico.
