Dalin të tjera detaje nga plagosja e rëndë me thikë e një 16-vjeçari në fshatin Shtëpanjë, Cërrik. I mituri mori plagë të rënda në qafë gjatë një sherri me një bashkëmoshatar, ndërsa gjendja e tij paraqitet kritike për jetën. 16-vjeçari është transportuar me urgjencë drejt spitalit të Traumës në Tiranë, ndërsa mjeku që u kujdes për të, Arben Zenelaj zbulon gjendjen e tij shëndetësore.
Ai shpjegon se thika i ka shkaktuar dëmtime të mëdha ndërsa jep një mesazh të fortë duke thënë se edukimi i brezit të ri me rregulla të një shoqërie normale është emergjencë kombëtare.
“Nuk ka sodisfaksion me te madh per nje mjek kur rremben nga pameshiresia e vdekjes per ta risjelle ne jete nje pacient, aq me teper nje 16 vjecar ,nga nje demtim shume i veshtire ne qafe me thike i arteries vertebrale qe na ngertheu ne ankthin e :Si do ja dalim?
Nate e veshtire kjo e mbremshmja,te cilen nuk do donim ta kalonim kurre, kur ne cdo moment mendonim se mund te na ikte nga duart ne femije.
Kujdes!Jeta nje here vjen dhe per largimin prej saj natyra ka ligjet e saj. Edukimi i brezit te ri me rregullat e nje shoqerie normale-emergjence kombetare.”-shkruan mjeku.
