Një ngjarje e rëndë ka ndodhur mbrëmë tek shinat e trenit, ku një 37-vjeçar ka mbetur i plagosur rëndë pasi është goditur disa herë me thikë.
Policia bën me dije se për motive të dobëta 19-vjeçari me inicialet A.H., ka goditur disa herë me një mjet shpues e prerës shtetasin I. Z., banues në Tiranë, i cili ndodhet në gjendje të rëndë për jetën.
Shërbimet e Komisariatit të Policisë Nr. 3, pas marrjes së njoftimit për ngjarjen, kanë shkuar menjëherë në vendngjarje dhe pas rreth dy orë kërkimesh dhe kontrollesh në zonë, bënë të mundur gjetjen, kapjen dhe arrestimin e 19-vjeçarit. Materialet do t’i kalojnë Prokurorisë së Rrethit Gjyqësor Tiranë, për veprën “Plagosja e rëndë me dashje”.
