Një konflikt ka ndodhur sot në qytetin e Shkodrës, me pasojë plagosjen e një personi.
Mësohet se nga sherri ka mbetur i plagosur në fytyrë 30-vjeçari Kujtim Binaku, pasi është goditur me tytën e pistoletës. Raportohet se i plagosuri është dërguar në spital për të marrë mjekim, pasi ka disa çarje në kokë, por fatmirësisht ndodhet jashtë rrezikut për jetën.
Ngjarja ka ndodhur pas një konflikti të çastit mes dy personave, ndërsa policia ka mbërritur në vendngjarje dhe ka nisur kërkimet për kapjen e autorit.
