Një sherr i rëndë ka ndodhur mes dy personave gjatë mbrëmjes së djeshme, rreth orës 23:00, në Bulqizë. Mësohet se dy persona janë konfliktuar në lagjen e vjetër të Bulqizës ku më pas kanë kaluar në dhunë fizike.
Njëri prej të përfshirëve në konflikt ka përdorur një mjet kosë apo kmesë, duke i prerë gishtat e dorës personit tjetër rreth të 30-ave. Ky i fundit është dërguar fillimisht në spitalin e Bulqizës e më pas drejt Tiranës. Personi tjetër i përfshirë në konflikt është larguar.
Nuk dihen rrethanat e kësaj ngjarjeje ndërsa policia nuk e ka raportuar deri në këto momente, duke e mbajtur të fshehtë.
