Ndahet nga jeta në moshën 81-vjeçare këngëtari Sherif Merdani. Lajmi i trishtë është bërë me dije nga miq dhe artistë në rrjetet sociale.
“Kohë ikjesh? Do ketë deri dikur kohë, në të cilën vihet dhe iket, por ky brez dhe historitë e tyre me gjasa nuk do përsëriten më…
Për talentin dhe dënimin absurd të tij është folur shumë dhe nuk po e përsëris. Ishte ikonë e brezit të vet dhe la pas interpretime të paharruara. Ngushëllime familjes, të afërmve dhe miqve! Zoti të pastë në Mëshirën e Vet, Sherif Merdani!”,- ka shkruar Sidrit Bejleri.
Gjithashtu, artisti Miron Kotani e ka cilësuar si një humbje të madhe në botën e artit.
“Zë brilant që nuk u harrua për asnjë çast nga publiku, pavarësisht peripecive e dënimit pas Festivalit të 11- të. Si bashkëkohës me Tonin Tërshanën, Liljana Kondakçi, e të tjerë ai skaliti emrin e tij në fondin e artë të muzikës së lehtë shqiptare duke sjellë risi dhe ishte mjaft modern për kohën, duke interpretuar dhe këngë të huaja për artdashësit. Do ta quaja pa frikë Tom Xhonsoni shqiptar”,- shkruan ai veç të tjerash.
Merdani njihet si një ndër këngëtarët më të arrirë të muzikës së lehtë shqiptare.
Pas Festivalit të 11-të ai, ai edhe disa kolegë të tij, u përndoq nga regjimi i Enver Hoxhës dhe përfundoi në burg, ku u dënua me 16 vjet. Pas viteve ‘90 Merdani ka punuar edhe si diplomat në ambasadën shqiptare në Romë.
https://www.youtube.com/watch?v=dC8U4szWh8Y
Pjesë nga repertori:
Në Dhjetor 1970, Sherif Merdani merr pjesë në Festivali i 9-të në RTSH me këngën “Mes jush”.
Në Dhjetor 1970, Sherif Merdani merr pjesë në Festivali i 9-të në RTSH me këngën “Të pres në Tetor”.
Në Dhjetor 1971, Sherif Merdani merr pjesë në Festivali i 10-të në RTSH me këngën “Kënga e nënës”.
Në Dhjetor 1971, Sherif Merdani merr pjesë në Festivali i 10-të në RTSH me këngën “Vite pa harrim”.
Në Dhjetor 1971, Justina Aliaj & Sherif Merdani marrin pjesë në Festivali i 10-të në RTSH me këngën “Në mbrëmjen e vallëzimit (Ne të dy)”.
Në Dhjetor 1972, Sherif Merdani merr pjesë në Festivali i 11-të në RTSH me këngën “Vajza e qelqtë”.
Në Dhjetor 1972, Sherif Merdani merr pjesë në Festivali i 11-të në RTSH me këngën “Rruga e Dibrës”.
Në Dhjetor 1972, Sherif Merdani merr pjesë në Festivali i 11-të në RTSH me këngën “Duart e tua”.
Në Dhjetor 1995, Sherif Merdani merr pjesë në Festivali i 34-të në RTSH me këngën “Simfonia e nënës”.
Në Dhjetor 1997, Sherif Merdani merr pjesë në Festivali i 36-të në RTSH me këngën “Bisedoj me Dashurinë”.
