Kryeqyteti i Italisë, Roma, ka vendosur masa të rrepta sigurie nga toka në ajër për të garantuar mbarëvajtjen e ceremonisë së shenjtërimit të Nënë Terezës që do të mbahet në sheshin e “Shën Pjetrit”.
Masat e shtuara të sigurisë vijnë jo vetëm për shkak të numrit të madh të besimtarëve që pritet të jenë sot të pranishëm në ceremoni, por edhe prania e 13 personaliteteve të huaja, krerë shtetesh e qeverish.
Në gatishmëri të çdo vizitori në rast incidenti janë ekipet e emergjencës së policisë dhe karabinierët. Përgjatë ditës së sotme, nga ora 08:00-19:00 janë të ndaluara fluturimet mbi Vatikan si dhe është aktivizuar një sistem për zbulimin e fluturimit të avionëve të paautorizuar nga Forcat Ajrore.
