Përveç gjendjes shëndetësore të Michael Schumacher, 7 herë kampioni i botës në “Formula 1” po vuan edhe krizën financiare tashmë.
Kostot e trajtimit mjekësor të Schumit kanë qenë të jashtëzakonshme, aq sa familja u detyrua të shesë automjetet dhe avionin privat të kampionit, për të mbuluar faturat spitalore, pas aksidentit të rëndë që pësoi në malet austriake në dhjetor të 2013-ës.
Schumacher po braktiset nga ish-shokët dhe kompanitë e dikurshme të cilave ua sillte miliona euro përfitime. Së fundi, edhe dy kompani të tjera me të cilët Schumacher kishte kontratë sponzorizimi, e kanë refuzuar atë. “Maquina do Esporte” është kompania e fundit që i ka thënë JO Schumacher.
“Deutsche Vermongensberatung” është kompania e vetme që po e mbështeste Schumin në gjendjen e tij shëndetësore dhe po ashtu po e përkrah financiarisht djalin e tij në karrierën që po e bën në garat e shpejtësisë. Mësohet se familja e Schumacher dhe menaxherët e tij vijojnë përpjekjet për gjetjen e sponsorëve për 7 herë kampionin e botës në “Formula 1”, Michael Schumacher.
