Me tone të forta dhe shumë e indinjuar, një turiste shqiptare që kishte ardhur nga Itali për të pushuar në “Prestige Resort”, është shprehur kundër qeverisë Rama mëngjesin e sotëm.
Ajo është shprehur se ishte turp që Shqipëria nuk ndryshonte kurrë dhe se skena të tilla ndodhnin në Shqipëri në mes të sezonit turistik.
“Është turp që Shqipëria nuk ndryshon kurrë me këto skena. Mund ti bënin kur të përfundonte sezoni. Nuk vjen asnjë kështu në mes të sezonit. Turp t’ju vijë. Duhet të shihni dhe kushtet e njerëzve që të punojnë. Nuk i lë njerëzit që të punojnë, të jetojnë.”, tha turistja shqiptare që zgjodhi ta thoshte mesazhin e saj mes italishtes dhe shqipes.
Inspektorë të Inspektoratit të Mbrojtjes së territorit mëngjesin e sotëm kanë hyrë pranë ambienteve të “Prestigje Resort” në plazhin e Golemit, për të kryer shembjen e pishinës.
